Lexoni edhe:
“Kosova është Shqipëri”, sherr mes tifozëve skocezë dhe atyre serbë
Sot nis java e 23-të në Superligën e basketbollit, këto janë përballet
Sot nis xhiroja e 23-të në Superligën e Kosovës në basketboll, duke dhuruar disa ndeshje mjaft interesante.
Sfida kryesore zhvillohet të dielën mes Pejës dhe Sigal Prishtinës, dy rivalëve të vjetër në basketbollin e Kosovës. Takimet mes këtyre dy skuadrave kanë qenë gjithmonë interesante dhe kështu pritet edhe në këtë përballje. Pejanët kanë 14 fitore e shtatë humbje, ndërsa prishtinasit 11 fitore dhe 11 humbje. Në elitë këto dy skuadra janë ndeshur tri herë, ku dy fitore shënuan pejanët dhe një herë prishtinasit. Ndërkohë, verdhezinjtë i kanë eliminuar edhe për Kupë.
Takimi i parë i kësaj xhiro zhvillohet ndërmjet Dritës dhe Rahovecit. Gjilanasit nuk kanë asnjë fitore në 22 ndeshje, duke qenë skuadra e vetme pa fitore në elitë, ndërkohë që Vreshtarët kanë tetë fitore e 13 humbje, duke qenë në formë shumë të mirë në takimet e fundit.
Të shtunën do të përballen Bashkimi me Golden Eagle Yllin. Për prizrenasit është një sfidë shumë e rëndësishme, duke marrë parasysh se ndodhen në vendin e gjashtë me nëntë fitore e 13 humbje, për të synuar “Play-off”in, ndërkohë, që therandasit janë liderë me 16 fitore e pesë humbje.
Të dielën po ashtu zhvillohet edhe një sfidë interesante mes Prizrenit 16 dhe Trepçës. Prizrenasit kanë 13 fitore e tetë humbje, ndërsa që mitrovicasit 15 fitore e shtatë humbje. Të dy skuadrat synojnë titullin dhe do të luajnë vetëm për fitore në këtë pjesë të rëndësishme të kampionatit.
Superliga – Java 23
E shtunë
17:00 Drita – Rahoveci
19:00 Bashkimi – Golden Eagle Ylli
E diel
17:00 Prizreni 16 – Trepça
19:00 Peja – Sigal Prishtina
(Kosova Sot Online )
