Lexoni edhe:
Opozita pa pikë turpi, për zgjedhjet serbe merr rolin e avokatit mbrojtës të Vuçiqit
Eliminimi rëndon, Mancini e mendon dorëheqjen nga Italia
Italia nuk ka arritur të sigurojë kualifikimin në Kampionatin Botëror. Kampioni aktual i Evropës është mposhtur në play-off nga Maqedonia e Veriut në sekondat e fundit të ndeshjes.
Goli i fitores 0:1 erdhi në minutën e 90+2 nga Trajkovski, i cili heshti “Renzo Barberan” e stërmbushur me italianë. Gol ky që dërgon Maqedoninë e Veriut në finalen e play-offit ku do të përballet me Portugalinë.
Fituesi i atij takimi do të kualifikohet në Kampionatin Botëror që luhet në fund të vitit.
E eliminimi rëndon shumë për trajnerin, Roberto Mancini i cili po e mendon dorëheqjen nga ekipi. Ai tha se do ta bëjë publik vendimin e tij pas ndeshjes ndaj Turqisë.
Fabio Cannavaro, Marcello Lippi dhe Claudio Ranieri janë emrat e mundshëm për ta zëvendësuar Mancinin.
(Kosova Sot Online )
