Tifozët e Bayernit e provokojnë Lewandowskin me “Hala Madrid”

Tifozët e Bayern Munichut nuk e kanë pritur aspak mirë largimin e Robert Lewandowskit.

Ata kanë mbetur zemërthyer me vendimin e veteranit të sulmit, i cili e zgjodhi Barcelonën si destinacionin e tij të ri pas sukseseve të jashtëzakonshme që i pati në “Allianz Arena”.

Përfaqësuesi polak së fundmi u rikthye në Munich për t’i marrë sendet personale dhe për ta takuar atë kishin dalë dhjetëra tifozë të Bayernit.

Dhe, prej gojës së tyre nuk munguan provokimet, teksa u dëgjua dikush prej tyre duke thirr: “Hala Madrid”.

Ky ishte një provokim për dy herë lojtarin më të mirë në botë, të shpallur nga FIFA, pasi siç dihet Real Madridi është rivali kryesor i ekipit të tij të ri.

Lewandowski i përshëndeti tifozët duke e ngritur dorën lart, ndërsa e mori rrugën drejt klubit të ri, me të cilin synon të jetë po aq i suksesshëm.

33 vjeçari tha se e realizoi ëndrrën pasi iu bashkua gjigantit katalunas. 

https://gorilla.cdnja.co/v/ee/eEOpG.mp4?token=AJUJQco3qmvt8hTSiPW2tQ&expires=1659441930

(Kosova Sot Online)