Lexoni edhe:
2 milionë funte pagë javore, Ronaldo mund të tundohet nga ofertat e klubeve nga Arabia Saudite
Fokusi te PSG-ja dhe Botërori, Messi nuk do të vendosë për të ardhmen deri në vitin e ardhshëm
Lionel Messi do të vendosë për të ardhmen e tij në vitin e ardhshëm.
Sulmuesi argjentinas është i lidhur me një rikthim te Barcelona, pas përfundimit të sezonit aktual me Paris Saint-Germainin.
Kontrata e Messit me kampionët e Francës skadon më 30 qershor 2023, teksa në marrëveshje është përfshirë opsioni për zgjatje edhe për një tjetër vit.
Sipas ekspertit të transferimeve, Fabrizio Romano, shtatë herë fituesi i “Topit të Artë” nuk do të marrë asnjë vendim për të ardhmen e tij në javët apo muajt në vazhdim.
Messi thuhet se është i fokusuar momentalisht te PSG-ja, kurse më vonë fokusi i tij do të bartet në Kampionatin Botëror “Katar 2022”, që do të fillojë në nëntor të këtij viti.
Kësisoj, asgjë nuk pritet të vendoset apo planifikohet para Botërorit – pavarësisht se klubi francez dëshiron rinovimin e kontratës me 35-vjeçarit, teksa ka interesim edhe nga Barcelona.
(Kosova Sot Online)
