Trepça kalon në gjysmëfinale

Trepça ka kaluar në gjysmëfinale të Superkupës së Kosovës.

Skuadra nga Mitrovica shënoi fitore sonte kundër Rahovecit në çerekfinale të kësaj gare.

Ndeshja e zhvilluar në Pallatin e Rinisë dhe të Sporteve në Prishtinë përfundoi me rezultatin 82:66.

Në fitoren e “Xehetarëve” u dalluan Drilon Hajrizi me 19 pikë, dhe Erjon Kastrati me 15 sosh.

Jahi Carson u dallua te “Vreshtarët” me 20 pikë.

Trepça në gjysmëfinale do të përballet me fituesin nga ndeshja mes Pejës dhe Bashkimit, që do të zhvillohet sonte. 

(Kosova Sot Online)