Mbyllen pjesët e para të tri ndeshjeve të Superligës

Janë mbyllur pjesët e para në tri ndeshjet e sotme të Superligës së futbollit.

Drita po avancon ndaj Gjilanit në derbin e Anamoravës, i cili po zhvillohet pa praninë e shikuesve.

“Intelektualët” iu gëzuan avancimit të parë falë golit të Blend Baftiut, i cili shënoi me kokë në minutën e 43-të pas një harkimi brilant nga Besnik Krasniqi nga e djathta

Të dy ekipet kishin raste paraprakisht, sidomos Gjilani me Cale e Dabiqaj, por Drita ia doli të kalojë në avantazh vetëm në fund të 45 minutëshit të parë.

Ndërkohë Llapi po avancon ndaj Ballkanit me rezultat 1:0, në njërën prej ndeshjeve kryesore të xhiros së 25-të të ligës elitare.

Golin e avantazhit për llapjanët e shënoi Festim Alidema nga penalltia në minutat e parë të lojës.

Në avantazh është edhe Malisheva ndaj Prishtinës, 1:0.

Golin e mysafirëve, në ndeshjen që po luhet në Lipjan e realizoi Ronald Sobowale.

(Kosova Sot Online)