Mane: Largimi nga Bayerni më lëndon

Sadio Mane është deklaruar për herë të parë rreth vendimit për t’u larguar nga Bayern Munichi.

Senegalezi po largohet nga “Allianz Arena” pas vetëm një sezoni të kaluar, prej kur u transferua nga Liverpooli.

Mane, i cili u përball me probleme edhe jashtë fushës, nuk ia doli të linte gjurmë te Bayerni, megjithëse fitoi titullin e kampionit në Gjermani me këtë skuadër.

31-vjeçari tha se ndjehet i lënduar që po largohet nga “Allianz Arena”.

“Largimi nga FC Bayern më lëndon. Do të kisha dëshiruar një fund tjetër. E di që mund ta kisha ndihmuar ekipin këtë sezon. Doja t’ua dëshmoja të gjithëve këtë sezon. Megjithatë, i uroj klubit dhe tifozëve më të mirën për të ardhmen”, tha ai për gazetarin gjerman, Florian Plettenberg.

Sadio Mane udhëtoi së fundmi drejt Dubait për të kryer testet e para mjekësore si lojtar i Al-Nassr.

Ai është pajtuar për një kontratë katër-vjeçare me klubin nga Arabia Saudite.

(Kosova Sot Online)