Arsenal po përgatit një ofertë të re për trajnerin Mikel Arteta

Arsenal po përgatit një ofertë të re kontrate për trajnerin Mikel Arteta gjatë verës, pavarësisht rezultateve të pjesës së mbetur të sezonit.

Sipas planeve që janë vendosur që në muajin mars, drejtuesit e klubit londinez kanë vendosur të vazhdojnë me Artetën si pjesë e projektit afatgjatë, duke treguar besim të plotë në punën e tij.

Arteta, nga ana e tij, thuhet se është i fokusuar maksimalisht te lufta për trofe në fund të sezonit, por njëkohësisht mbetet i lidhur ngushtë me projektin e Arsenalit dhe është i hapur për bisedimet e reja për kontratë.

Arsenali po zhvillon një sezon shumë të fortë, duke qenë pranë fitimit të Premierligës dhe gjithashtu i kualifikuar në finalen e Ligës së Kampionëve, çka e rrit edhe më shumë optimizmin brenda klubit për të ardhmen nën drejtimin e Artetës.

Marrëveshja e re mes palëve pritet të finalizohet së shpejti, duke vulosur vazhdimësinë e një projekti që po synon majat e futbollit evropian.

(Kosova Sot Online)