Man United bën ofertën e parë për Alonson
Manchester United po kërkon të forcojë mbrojtjen e tyre përpara fundit të afatit kalimtar të verës me Marcos Alonson.
Erik ten Hag dëshiron që të përforcojë vijën e mbrojtjes, pasi po përballet me lëndime të mbrojtësve
Dhe, Alonso duket të jetë opsioni i preferuar i “Djajve të Kuq”.
Sipas “Sport”, Manchester United tani ka dorëzuar një ofertë zyrtare te Barcelona për spanjollin.
Oferta thuhet se është për huazimin e 32-vjeçarit. Me më pak se 12 muaj të mbetur në kontratën e tij, ish-mbrojtësi i Chelseat do të jetë një futbollist i lirë në fund të huazimit.
Është raportuar se Barcelona është e gatshme të lërë Alonson të largohet në ditët e fundit të tregut të transferimeve, pasi klubi po përpiqet të ulë faturën e pagave.
Alonso supozohet se fiton 9-10 milionë euro në vit, duke e bërë atë një nga fituesit më të mëdhenj në skuadër.
(Kosova Sot Online)