Lexoni edhe:
Superliga e basketbollit vazhdon sonte me dy ndeshje të tjera
FC Drenica fituese e turneut tradicional “Adem Jashari”
FC Drenica ka fituar trofeun e turneut tradicional, të 15-të me radhë, “Adem Jashari” në futsall, transmeton "Kosova sot Online ".
Edhe sivjet ky turne u organizua në palestrën “Ilaz Kodra” në Skenderaj nga Federata e Futbollit e Kosovës përmes Komisionit për Futsall, në kuadër të shënimit të Epopesë së UÇK-së.
Në ndeshjen finale Drenica e mundi Mabetex Prishtinën, pas serisë së penalltive, ngase ndeshja në kohën e rregullt u mbyll baras 1:1.
Paraprakisht në gjysmëfinale, kuqezinjtë e Skenderajt kishin mundur Liqenin e Drenasit.
I pranishëm në ndeshjen finale ishte edhe kryetari i FFK-së, Agim Ademi, i cili edhe ndau trofeun për fituesin e këtij turneu.
(Kosova Sot Online )
