Lexoni edhe:
Ansu Fati po rikthehet përsëri në La Liga– dy klube të interesuara për shërbimet e tij
Muaji i shenjtë i Ramazanit e lëshoi perden e tij për vitin 2024.Dhe për këtë, është koha ideale për t’i bërë llogaritë. Për shumë futbollistë të njohur, të cilët i përkasin fesë Islame, ky muaj ishte i veçantë, transmeton "Kosova Sot Online ).
Ata për 30 ditë e kryen atë që i obligon feja e tyre duke hequr dorë nga ushqimi, pija dhe gjëra të tjera, nga agimi i diellit e deri në perëndimin e tij. Edhe pse vazhdon diskutimi nëse ndikon apo jo agjërimi në performancat e tyre, futbollistët insistojnë se besimi në Zot i ndihmon ata në lojë në rastet kur janë duke agjëruar.
Ansu Fati po rikthehet përsëri në La Liga– dy klube të interesuara për shërbimet e tijLexoni edhe:
Muaji i Ramazanit ka nisur të respektohet me të madhe edhe në ligat e ndryshme të futbollit evropian, mbi të gjitha në Premierligë.
Aty, edhe këtë vit e kemi parë që ndeshjet e caktuara janë ndërprerë përkohësisht, në mënyrë që lojtarët që ishin duke agjëruar, të bëjnë iftar.
Disa yje të futbollit janë të vendosur të agjërojnë edhe në ditën e ndeshjeve, kurse disa të tjerë “e prishin” vetëm në ato ditë.
E në vazhdim, ne do t’ua zbulojmë emrat e yjeve të futbollit që e agjëruan Ramazanin këtë vit.
Karim Benzema njihet si një mysliman i devotshëm.
Ylli francez nuk e ka fshehur asnjëherë përkushtimin që e ka ndaj fesë, duke e zbuluar këtë hapur edhe përmes rrjeteve sociale.
Në Ramazanin e dy viteve më parë madje ishte bërë e famshme një fotografi e tij me hurme, pas së cilave, për koiçidencë, shënonte po aq gola për Real Madridin.
Futbollisti me prejardhje algjeriane, fitues i Topit të Artë, në verën e kaluar i dha fund eksperiencës evropiane dhe u transferua në Saudi Pro League tek Al-Ittihad. Paul Pogba është një tjetër futbollist i përkushtuar ndaj fesë.
Madje, mesfushori francez ka postuar kohë pas kohe fotografi nga vendet e shenjta arabe që i ka vizituar.
Futbollisti i deridjeshëm i Juventusit u pezullua nga futbolli për katër vjet për shkak të përdorimit të substancave të ndaluara.
Sidoqoftë, ish-futbollisti i Manchester Unitedit ishte njëri prej yjeve të mëdhenj të futbollit evropian në dekadën e fundit.
Kur e përmendim muajin e Ramazanit s’ka se si të mos na shkojë mendja tek Mohamed Salah.
Ylli i Liverpoolit qe një kohë të gjatë e kryen obligimin e përvjetshëm fetar.
Ansu Fati po rikthehet përsëri në La Liga– dy klube të interesuara për shërbimet e tijLexoni edhe:
Futbollisti egjiptian është një mysliman i devotshëm dhe sa herë shënon gol shikon lart duke e falënderuar Zotin, apo edhe bie në sexhde.
Sadio Mane dikur e agjëronte Ramazanin së bashku me bashkëlojtarin e tij, Salah.
Por, futbollisti senegalez më pas iu bashkua Bayern Munichut e në fund përfundoi në Al-Nassr.
Sidoqoftë, shtegtimet e tij nuk kanë ndryshuar asgjë pasi sulmuesi afrikan e predikon fenë dhe e agjëron Ramazanin.
Ai njihet madje edhe si një njeri mjaft human, duke dhënë shumë nga pasuria e tij për nevojtarët.
Antonio Rudiger është mjaft aktiv në rrjetet sociale kur bëhet fjalë për fenë.
Futbollisti i Real Madridit madje ka postuar edhe fotografi me gishtin tregues lart, që nënkupton se Zoti është një.
E krahas qendërmbrojtësit gjerman, tek Real Madridi agjërojnë edhe tre futbollistë të tjerë, Ferland Mendy, Brahim Diaz dhe Arda Guler.
Natyrisht, lista e yjeve që agjërojnë është goxha e gjatë.
Mjafton t’i përmendim emrat e futbollistëve si Hakan Calhanoglu, Kalidou Koulibaly, İlkay Gündoğan, Riyad Mahrez, Hakim Ziyech, N’Golo Kante, Aschraf Hakimi, Ousmane Dembele, Ibrahima Konaté, Noussair Mazraoui e të tjerë.
Ndërkohë, disa yje edhe pse nuk agjërojnë, i mbështesin lojtarët tjerë myslimanë në bindjet e tyre fetare.
Për shembull, Cristiano Ronaldo çdo vit bën postime në rrjetet sociale, duke e uruar muajin e Ramadanit.
(Kosova Sot Online )