Benzema për Vinicius: Më i miri i botës

Sulmuesi legjendar i Real Madridit, Karim Benzema ka folur rreth sulmit të klubit spanjoll.

Karim Benzema që momentalisht luan tek Al-Ittihad në Arabinë Saudite ka përmendur dyshen e Real Madridit, Vinicius Jr dhe Kylian Mbappe, në një intervistë për “El Chiringuito”.

Ai ka dhënë një këshillë për bashkëkombasin e tij, Kylian Mbappe.

“Këshillë për Mbappe? Mos u dorëzo. Ai duhet ta fus në kokën e tij se duhet të luajë si një 9-sh. Kylian është shumë i mirë në krahun e majtë, por tani ai duhet të jetë shumë i mirë në një pozicion tjetër”, ka thënë fituesi i “Topit të Artë” më 2022.

Po ashtu, Benz foli edhe për Vinin, të cilin e ngriti në qiell.

“Vinicius është lojtari më i mirë në botë momëntalisht, dhe nuk mund të lëvizë nga krahu i majtë”, ka thënë Benzema.

Vinicius Jr dhe Kylian Mbappe do të kthehen në aksion gjatë ditës së sotme, në takimin ndaj AC Milan në Ligën e Kampionëve.

(Kosova Sot Online)