Ancelotti është njeriu i duhur për t’ia fituar Brazilit Kupën e Botës

Legjenda e Napolit, Careca, është i bindur se Carlo Ancelotti është “njeriu i duhur” për ta udhëhequr Brazilin drejt fitimit të Kupës së Botës.

Ancelotti u emërua trajner i ri i Brazilit në maj dhe do të drejtojë Seleçãon në Botërorin 2026.

“Ai ka një histori të madhe dhe është një trajner i shkëlqyer,” tha Careca për Gazzetta dello Sport.

“Ai ka punuar në shumë vende me lojtarë të kombësive të ndryshme dhe e njeh shumë mirë talentin brazilian. Ka kaluar shumë kohë që nga hera e fundit që kemi fituar një Kupë Bote, dhe ai është njeriu i duhur për ta bërë realitet këtë”, shtoi ai.

Gjatë të njëjtës intervistë, Careca foli edhe për situatën e Napolit, duke theksuar se Scott McTominay mbetet lojtari kyç për Partenopein.

Careca nuk arriti të fitojë Kupën e Botës me Brazilin si futbollist, por fitoi një Scudetto me Napolin në sezonin 1989-90.

(Kosova Sot Online)