Tigreshat motra përleshen ashpër për territor në park
Dy tigresha motra janë incizuar duke u përleshur ashpër me njëra-tjetrën për territor në një park kombëtar të Indisë.
Kafshët e quajtura Ridi dhe Sidi, të llojit Bengal, ishin fillimisht duke ecur të qeta krahas njëra-tjetrës në parkun kombëtar “Ranthambore” të Indisë, shkruan Daily Mail.
Megjithatë, në video shihet se si më vonë rriten tensionet dhe njëra nga tigreshat e sulmon tjetrën, duke e rrëzuar në shpinë.
Turistët që ishin dëshmitarë të kësaj beteje u habitën me dyluftimin. Pas disa sekondave, tigreshat e ndalin përleshjen dhe duket sikur heqin dorë nga përballja.
Raportohet se tigreshat motra vazhdimisht janë përleshur për territor që nga lindja në park në vitin 2018. Kafshët e frikshme janë të moshës 17-muajshe.
(Kosova Sot Online)
