Lexoni edhe:
Moment shumë emocionues: Fëmija 3 vjeç sheh për herë të parë fytyrën e prindërve
30 vjeçarja paraqitet në shkollë si vajza e saj, eksperimenti i kushton shtrenjtë
Një 30 vjeçare nga Teksasi me pretendimin se dëshironte të provonte se masat e aplikuara për mbrotjen e studentëve janë të mjaftueshme kreu një eksperiment social që i kushtoi shtrenjtë.
Ajo u paraqit në shkollën e vajzës së saj 13 vjeçare dhe bëri sikur ishte një vajzë adoloshente për një ditë të tërë.
Casey Garcia arriti të hynte në shkollën e mesme e veshur me xhup me kapuç dhe me maskë.
Sipas Daily Mail Garcia u arrestua të premten e kaluar për hyrje të paligjshme dhe falsifikim të dokumenteve qeveritare.
Në video e publikuar nga vetë ajo Garcia duket se hyn në ndërtesën e gjimnazit.
Garcia dëgjohet në video duke përshëndetur një person që ajo e identifikon si drejtoreshë ndërsa ecën në korridoret e shkollës e pashqetësuar.
Gjatë një ore mësimi në matematikë, 30-vjeçarja regjistroi një mësuese që e quante atë me emrin e vajzës së saj “Julie” .
Pas orës së palestrës është koha e drekës dhe Garcia heq maskën për të ngrënë dhe sërish askush nuk e pyet se çfarë bën në shkollë.
“Unë kam qenë gjithë ditën këtu, ballë për ballë me mësuesit,” thotë ajo në kamerën e telefonit të saj celular.
Sipas saj, vetëm shumë më vonë, një mësuese vuri re se Garcia nuk ishte ajo që po thoshte dhe i kërkoi asaj të largohej.
Në një video 30-vjeçarja e përshkroi vizitën e vajzës së saj në shkollë si një eksperiment social.
“Ne kemi nevojë për siguri më të mirë në shkollat tona. Po përpiqesha ta provoja dhe mendoj se e bëra”, thotë gruaja.
Siç shpjegon ajo, ajo që e tronditi veçanërisht atë është fakti se mësuesit nuk u kushtojnë asnjë vëmendje studentëve .
Edhe pse shumë vunë re se ajo ishte duke filmuar me celularin e saj, vetëm një person e zbuloi se ajo ishte një e huaj, e cila nuk i përkiste atij mjedisi.
(Kosova Sot Online)
