Pamje: Qeni i leh te hunda, leopardi i shtrirë përton të ngrihet dhe veç e shikon
Disa vizitorë të një parku zoologjik janë habitur, kur panë një qen të guximshëm futet në hapësirën e një leopardi që po pushonte dhe fillon t’i lehë nga afër kafshës së egër.
Simoni, i cili po e vizitonte Kopshtin Zoologjik Kombëtar në Canberra të Australisë, ishte pjesë e një grupi që e patën rastin ta shohin ndërveprimin e pazakontë mes kafshëve javën e kaluar.
Qeni i guximshëm shihet duke i lehur pa pushim dhe nga një distancë shumë e vogël njërit prej leopardëve më të mëdhenj në kopsht, i cili si duket po i shijonte rrezet e diellit i shtrirë.
Përderisa vizitorëve të parkut afrimi te një leopard u kushton 175 dollarë, qeni i guximshëm arriti ta bënte këtë falas, shkruan Daily Mail.
Në një moment, leopardi e ngre putrën në përpjekje për ta trembur pak qenin, por ky i fundit nuk zmbrapset dhe vazhdon të lehtë i pafrikësuar.
Ndryshe, leopardët janë kafshë të rrezikuara dhe janë përballur me zhdukje të paktën dy herë në të kaluarën. Ata rrezikohen nga ndryshimet klimatike, gjahu nga njerëzit dhe shkatërrimi i habitatit të tyre natyror.
(Kosova Sot Online)