Lexoni edhe:
Luizi: Me Armaldon s’kemi më punë bashkë, as brenda e as jashtë
Misteri i topit të metaltë që u shfaq në plazh
Banorët dhe policia e qytetit japonez Hamamatsu City, u habitën plotësisht kur panë një top të madh metalik në plazh.
Topin “misterioz” e kishte nxjerrë në plazhi uji, dhe një banore e cila kishte hasur në të kishte lajmëruar policinë.
Ky vend u mbyll shpejt dhe ekspertët e eksplozivëve u dërguan në terren. Është vërtetuar se nuk është një mjet shpërthyes, por askush nuk e di me siguri se çfarë përfaqëson topi dhe nga ka ardhur.
Mediat lokale raportojnë se diametri i sferës është 1.5 metra dhe se është e ndryshkur, çka sugjeron se mund të jetë prej hekuri.
Gjithashtu, përmban disa doreza metalike që e lejojnë atë të ngjitet me diçka tjetër. Rrezet X konfirmuan se ajo është plotësisht e zbrazët, pra bosh.
Fotografët u bashkuan me forcat japoneze të Mbrojtjes dhe rojet bregdetare për të analizuar më tej topin e hekurt.
Mirëpo, ka edhe nga ata që nuk janë aspak të interesuar për topin, e mes tyre është edhe një burrë që vrapon rregullisht përgjatë plazhit. Ai nuk e kupton pse ajo ka tërhequr kaq shumë vëmendje.
“Ka një muaj që është atje. Unë u përpoqa ta shtyja, por ajo nuk lëvizi”, tha ai
(Kosova Sot Online)
