Në aeroplan kalon pistën dhe ndeshet me veturën Passat
Një video e xhiruar nga afër shfaqi një aeroplan të vogël që doli nga pista në Teksas gjatë një ulje emergjente, i cili u përplas më pas me një veturë që po kalonte.
Pamjet e filmuara në Aeroportin e Qarkut Aero në McKinney tregoi aeroplanin që u përplas me Passatin, të cilin po e drejtonte një grua në Virginia Parkëay.
“E pashë aeroplanin që ulej shpejt nga pista, e dija se ai nuk do të kishte kohë të ndalonte”, tha për WFAA Jack Schneider, një koleg pilot që filmoi përplasjen
“Është e qartë se po shkonte shumë shpejt, gomat po tymosnin”.
“Po, ishte çmenduri,” i tha gazetës New York Post një tjetër shikues, Youssef Moustafa.
“Ai po përpiqej të ulej dhe frenat nuk funksionuan dhe ai kaloi nëpër gardh”, tha ai për pilotin që ishte jashtë kontrollit.
Departamenti i Zjarrfikësve të McKinney tha se në aeroplan ishin dy persona. Të dy janë ekzaminuar së bashku me shoferin, i cili u dërgua në spitalin lokal me lëndime të lehta.
“Ajo ishte padyshim e befasuar, nuk është diçka që prisni t’ju ndodhte”, tha Schneider, piloti që filmoi përplasjen.
“Ne të gjithë jemi mirënjohës që askush nuk u lëndua seriozisht”, tha ai për skenën e frikshme.
Asnjë nga personat e përfshirë nuk u identifikua.
(Kosova Sot Online)
