Lexoni edhe:
Adelina Ismaili: Një nga kujtimet më të mira, takimi me Presidentin historik, Dr. Ibrahim Rugova
Ndërtesa 15-katëshe 'zhduket' nga faqja e dheut brenda pesë sekondash
Një shpërthim i kontrolluar është ndjekur nga shumë banorë të Newcastle të Britanisë së Madhe, ku ndërtesa 15-katëshe u demolua nga autoritetet lokale që e mbushën me lëndë shpërthyese, transmeton gazeta “Kosova Sot Online”.
Ishte objekti i ndërtuar në vitin 1968, që u demolua nga ekipet e deminimit që e mbushën me eksploziv.
Megjithatë procesi i demolimit filloi me dhjetë minuta vonesë, për faktin se disa banorë që jetonin pranë ishin të ngadaltë në evakuim.
E në vendin ku dikur gjendej objekti pritet të ndërtohen rreth 50 shtëpi, që do të jenë të përballueshme për shumë familje.
Fillimisht u aktivizuan sirenat që paralajmëronin numërimin mbrapsht – dhe mjaftuan vetëm pesë sekonda që i tërë objekti të zhduket në renë e pluhurit të ngritur. Objekti 43 metërsh ishte i zbrazët që nga viti 2018.
(Kosova Sot Online)
