I dedikoi tatuazh dhe shumë këngë, por Xhuljo i Fifit i jep fund beqarisë! (Foto)

  • G.G /
  • 22 June 2021 - 17:08
I dedikoi tatuazh dhe shumë këngë, por Xhuljo i Fifit i jep fund beqarisë! (Foto)

Këngëtarja e njohur shqiptare, Fifi është shprehur gjithmonë për dashurinë në këngët e saj dhe jo vetëm. Ajo nuk ka ngurruar asnjëherë që të shprehë publikisht se është e dashuruar.

Më herët, këngëtarja tregoi dhe historinë e saj të dashurisë me një person me inicialin Xh, të cilin e ka dashur:

“Ta tregoj për 10 sekonda. Nuk nisi kurrë. Thjesht kam dashuruar unë, m’u desh të kuptoja që nuk do të isha ndonjëherë me të dhe i kam ushqyer vetes një dashuri të pamundur. Në fakt nesër ne nuk e dimë se ç’mund të ndodhë, por ajo dashuri mua më ka bërë shumë mirë. Faleminderit”.

Kohë më parë, “iconstyle.al” vuri re se artistja kishte hequr nga lista e personave që ndjek në Instagram të gjithë miqtë që ka pasur, përveç njërit që aludohej se ai është i dashuri i saj, Xhuljo Tabaku.

Kujtojmë se në një nga puntatat e “Shiko kush luan”, Fifi u pyet se çfarë kuptimi ka fjala “stracciatella” që ajo e ka bërë tatuazh në trup dhe këngëtarja tregoi se këtë fjalë ja dedikon të dashurit të saj, që i thërret me përkëdheli në këtë mënyrë.

“Stracciatella e thirri atë djalin që unë e kam qejf. Qaq shumë që e du, kam dasht me e ba tattoo”, është shprehur ajo.

Ndërkohë, e gjitha u zbulua kur ajo i bëri tag emrit të tij në një postim në InstaStory, ku i dedikonte të gjithë dashurinë e madhe dhe Xhuljo u bë menjëherë pjesë e mediave rozë.

Së fundmi, “Albeu.com” ka mësuar se Xhuljo i ka dhënë fund beqarisë dhe ka shpallur fejesën me partneren e tij, siç mund ta vini re edhe nga fotot e shkëputura nga ceremonia e fejesës.

(Kosova Sot Online)