Modelet ukrainase që u zhveshën në ballkonin e Dubait përsërisin të njëjtin gabim në Mal të Zi dhe arrestohen nga policia (Foto, +16)

  • G.G /
  • 10 korrik 2021 - 12:25
Modelet ukrainase që u zhveshën në ballkonin e Dubait përsërisin të njëjtin gabim në Mal të Zi dhe arrestohen nga policia (Foto, +16)

Tri anëtare të skuadrës famëkeqe të ‘Butt Ukrainian’ u arrestuan në Mal të Zi pasi “paturpësisht” u zhveshën dhe spërkatën njëra-tjetrën me ujë në një rrugë publike.

Është skandali i fundit ligjor i modeleve ukrainase, të cilat më parë ishin burgosur për një shfaqje tjetër nudo në ballkonin e një rrokaqielli në Dubai, shkruan The Sun.

Modelet më parë kanë pozuar me flamuj të Ukrainës për të treguar mbështetjen e ekipit të tyre në Euro 2020 – por tani janë kthyer pas Anglisë dhe madje kanë ndarë me fansat në rrjetet sociale një video, ku tregonin mbështetjen e tyre për Gareth Southgate përpara gjysmëfinales së tyre triumfuese kundër Danimarkës.

Fërkimi i fundit i ‘Butt Ukrainan’ me ligjin vjen ndërsa ato po promovonin një garë veturash në qytetin e Kotorrit dhe aktruan sikur po “ndihmonin” zjarrfikësit vendas ndërsa pastronin rrugën.

Por ky fotosesion shkaktoi që tri modelet femra – Diana Oksanich, 19 vjeçe, Ruslana Kovkova, 21 vjeçe dhe Viktoria Rohalchuk, 21 vjeçe – të arrestohen dhe të mbahen në qelinë e policisë për veshjen e papërshtatshme dhe kështu u gjobitën pas një seancë gjyqësore në mesnatë.

Biznesmeni amerikan, Vitaliy Grechin, 41 vjeç, i cili ka një pronë afër, gjithashtu u arrestua fillimisht para se të lihej i lirë.

Ai u mbajt në një burg në Dubai së bashku me femrat pas fotosesionit famëkeq të ballkonit në Dubai që u bë viral në prill.

Pasi kaloi të ashtuquajturën ‘Butt Ukrainian’ në Dubai në një udhëtim me të gjitha shpenzimet përpara pamjes skandaloze, ai më pas ftoi shoqërueset e tij femra të qëndronin me të në një shtëpi pushimi në Mal të Zi.

“Në përgatitjet për këtë garë, ato po ndihmonin zjarrfikësit të lanin rrugën”, tha Grechin, i cili dikur ishte një donator i ish-presidentit të ShBA-së, Barak Obama,.

Ai tha se organizatorët e garës së veturave u kishin kërkuar atyre që të ndihmonin në reklamimin e ngjarjes – dhe madje pohoi se: “zjarrfikësit e pëlqyen idenë, të 20-të ata”.

Ai vazhdoi duke thënë: “Ata ishin personat që zbuluan fotografitë në media”.

Sipas një raporti, gjyqtarja Ivana Vukasović gjobiti treshen e ‘Butt Ukrainian’ me nga 450 euro secilën për shkeljen e ligjeve të rendit publik.

“Ato u sollën paturpësisht në një vend publik”, sipas gjykatës, ndërsa ata “zhvisheshin lakuriq dhe pozonin në rrugën e asfaltuar, duke incizuar video dhe bërë fotografi për dhjetë minuta”.

Para se të arrestohej, 19-vjeçarja Diana postoi një klip duke thënë: “Djema, për çdo rast … Policia është këtu”.

“Nëse nuk jam në kontakt, ju e dini se ku mund të më gjeni – të mbyllur në Malin e Zi”, shtoi ajo.

Një anëtare tjetër e cila ishte pjesë e grupit të vajzave në Dubai shkroi në rrjetet sociale: “Vajzat janë të sigurta dhe të shëndosha. Ata sapo u kthyen”.

“Gati vdiqa nga frika, për atë që u ndodhi atyre”, u shpreh modelja.

Ajo vazhdoi: “Mos i besoni policisë në ndonjë vend të huaj. Në vendin tuaj ju keni të paktën një shans për të dalë”.

Grupi në fjalë ka vazhduar të shtrijë kufijtë e ekspozimit në udhëtimet e tyre nëpër vende të shumta të botës.

Ata u dëbuan nga Emiratet e Bashkuara Arabe pas ekspozimit nudo në ballkonin e rrokaqiellit, pasi u akuzuan për shkelje të mirësjelljes publike.

(Kosova Sot Online)