Lexoni edhe:
Kylie Jenner tejet joshëse në paraqitjen e fundit
“Jam kundër hyrjes aty”, vëllai i Toles refuzon komunikimin me motrën, konkurrentja përlotet në mes të emisionit
Krahas debateve, “Për’puthen Prime” ka pasur edhe momente me emocione të forta.
I tillë ishte çasti kur Tola, dëgjoi telefonatën e vëllait të saj, që të mos e përkrahë hyrjen e saj në “Për’puthen”, me gazetaren e emisionit.
Po ashtu, ai nuk ka pranuar që të flasë me të motrën.
“Mundoheni për mirë por janë disa gjëra që unë i zgjidh vetë në mënyrë private. Jam kundër hyrjes aty, ndoshta më vonë do qetësohet por momentalisht nuk jam i qetë. Kështu jam rritur unë, ju mund t’ju duket diçka si e pavend, por unë e shoh në mënyrë tjetër”, tha ai në telefon.
Ndërsa më pas konkurrentja tha mes lotësh:
“Më kishte marrë malli t’i dëgjoj zërin. Jemi një familja patriarkale që jemi rritur me disa rregulla dhe kjo është një gjë shumë e madhe për ne”.
Nga ana tjetër, Tola nuk ishte e vetmja që u emocionua pasi teksa po komentohej sjellja e vëllait të saj, ishte Ada ajo që doli nga studioja duke qarë dhe askush nuk e kuptoi se çfarë i ndodhi.
Pasi u qetësua, u rikthye në studio dhe tregoi se ka shumë kohë që nuk komunikon me vëllain e saj.
“Unë akoma nuk kam komunikim me vëllain, kam shumë kohë pa e parë, e kam edhe larg. Kur Arjani e përmendi nuk po duroja dot më. Akoma nuk po duroj dot më”, tha Ada.
(Kosova Sot Online)
