Kërkoi të rikthehej me Kim Kardashian, Kanye West ndahet nga modelja 22 vjeçare

  • G.G /
  • 22 December 2021 - 11:19
Kërkoi të rikthehej me Kim Kardashian, Kanye West ndahet nga modelja 22 vjeçare

Kanye West dhe e dashura e tij e përfolur Vinetria janë ndarë pas një lidhjeje disa mujore. Reperi 44-vjeçar dhe modelja 22-vjeçare i kanë dhënë fund rrugëtimit të tyre romantik që zgjati shumë pak. Ndarja thuhet se vjen nga fakti që reperi i kërkoi publikisht Kim Kardashian që të riktheheshin bashkë sërish.

Mirëpo, Kim duket se nuk dëshiron t’i japë një tjetër mundësi babait të fëmijëve të saj pasi është shprehur se asnjë përpjekje për këshillim apo pajtim nuk do të jetë në gjendje të riparojë martesën e saj me reperin. Tani ajo ka nisur një lidhje me Pete Davidson.

Marrëdhënia e Kanye me Vinetria u raportua për herë të parë në nëntor. Të dy u panë së bashku në Minneapolis gjatë një ndeshjeje basketbolli. Kanye – i cili ligjërisht ka ndryshuar emrin e tij në Ye – nuk e ndjek më Vinetria në Instagram. Pas ndarjes me Kim, reperi u lidh dhe me Irina Shayk, por dhe ky raport zgjati shumë pak.

(Kosova Sot Online)