Dalin fotot e rralla/ Ja si e festonin komunistët Vitin e Ri në 1944-n, menuja dhe… (Foto) - Dossier - Kosova Sot
Dalin fotot e rralla/ Ja si e festonin komunistët Vitin e Ri në 1944-n, menuja dhe… (Foto)

Dalin fotot e rralla/ Ja si e festonin komunistët Vitin e Ri në 1944-n, menuja dhe… (Foto)

Dalin fotot e rralla!

Hotel Dajti në Tiranë sot është një godinë e vdekur, por dikur ky hotel shkëlqente në luks dhe komoditet që ndoshta asnjë hotel nuk e ka arritur ende në Shqipëri. Flasim për vitet 30 dhe 40, kur Hotel Dajti ishte vendi i vetëm që ofronte një shërbim unikal dhe të pakrahasueshëm. Gjatë viteve të ashpra të luftës, Hotel Dajti qendroi i hapur dhe i paprekur. Me hyrjen e komunistëve në Tiranë, Hotel Dajti u kthye në rezidencë, zyrë dhe ambjent pritjesh për Enver Hoxhën. Dalngadalë, ky hotel i magjishëm në Tiranë e humbi shkëlqimin nën komunizëm.

Në vitin 1944, kur komunistët kishin 1 muaj në pushtet, aleatët britanikë organizuan një darkë festive për Vitin e ri në Hotel Dajti. Ftesa e britanikëve për udhëheqjen politike dhe ushtarake komuniste ka mbijetuar deri më sot. Brenda saj është menuja e darkës festive, e shkruar në frëngjisht me një larshmëri gatimesh, edhe pse vendi ndodhej në një varfëri të skajshme dhe i sapodalë nga lufta.

Pjesë e menusë janë gatime që ndoshta sot nuk shijohen më në restorantet e Tiranës si troftë e zier nga liqeni i Ohrit me salcë majoneze, rosto viçi gatuar sipas manyrës angleze, pulë e pjekur Kavaje, eskallopë etj, dhe sigurisht pa munguar ëmbëlsirat, vera e mirë, konjaku, xhini apo uiski.   Studiuesi Erald Kapri në një shkrim për neësbomb.al ka publikuar disa foto të rralla nga menyja dhe nga festa e komunistëve.

Fotot e darkës tregojnë për një shërbim aristokratësh, të një Shqipërie që humbi gjatë diktaturës.

Në festën e britanikëve Enver Hoxha nuk mori pjesë por të gjithë ministrat e tij po, bashkë me udhëheqësit e tjerë komunistë. Kjo do të ishte darka e fundit mes  komunistëve shqiptarë dhe aleatëve perëndimorë si britanikët dhe amerikanët. Shumë shpejt ata u larguan nga vendi.

Fotografitë;

1-Ftesa e misionit Britanik në Tiranë për festën e Vitit të Ri, 1 Janar 1945

1

2-Menuja e darkës festive në Hotel Dajti për udhëheqjen politike dhe ushtarake të sapo dalë nga lufta

2

 

3-Mehmet Shehu duke shijuar verë në praninën e kreut të misionit Britanik Alan Palmet, oficerit amerikan Frank dhe Ymer Dishnicës

 

3

4-Dali Ndreu në një tavolinë me Olga Plumbin

 

4_copy

5-Oficërët e misionit amerikan në Tiranë gjatë darkës festive

5

 

6-Hysni Kapo dhe Hulusi Spahiu gjatë darkës festive

7_copy

7-Kamarierët e Hotel Dajtit duke shërbyer darkën

6_copy_copy

8-Majori britanik Oliver, majori sovjetik Ivanov dhe oficeri amerika Frank duke festuar së bashku

8

(Kosova Sot0

18 orë e 0 minuta më parë
20/04/18