Mustafa: Serbia pranoi ligjet e Kosovës, kodi telefonik +383
Kryeministri i Kosovës, Isa Mustafa, pas mbledhjes së Qeverisë ka folur për arritjen e marrëveshjeve në mes Prishtinës dhe Beogradit.
Ai ka thënë se me marrëveshjet e reja i është dhënë fund strukturave paralele në veri të Mitrovicës.
“Këto marrëveshje i japin fund ndërhyrjes së serbëve në Kosovë, shuarjes së strukturave paralele në veri të Mitrovicës”, ka thënë Mustafa.
Ai ka treguar zyrtarisht se kodi telefonik i Kosovës është 00383.
Mustafa ka folur edhe për marrëveshjen për Asociacionin, duke thënë se me këtë marrëveshje Serbia i ka pranuar ligjet e Kosovës.
“Themelimi i këtij asociacioni është në harmoni të plotë me ligjet e Kosovës. Asociacioni i nënshtrohet ligjeve të Kosovës, nuk ka karakter etnik”, ka thënë ai.
(Kosova Sot)
