Shtohen aksidentet me tren: Infrakos tregon për problemet e sistemit të hekurudhës
Një person ka mbetur i lënduar në një aksident trafiku gjatë së dielës, në fshatin Qikatovë të Drenasit, ku treni ka goditur një veturë.
Shoferi i veturës, është dërguar për trajtim mjekësor në QKUK.
Policia e Kosovës e ka konfirmuar rastin.
E megjithatë numri i aksidenteve me tren është shpeshtuar. Gjatë muajit shtator, në Dush të Klinës, vdiqën tre persona.
E sipas Refet Citakut nga Infrakos, vendkalimet mbesin pika të zeza të sistemit hekurudhor.
Ai thotë se prezenca e laurës ndoshta mund ta parandalonte aksidentin. Megjithatë sipas Citakut është vërtetuar se shkak i ndeshjes në Klinë ishte pakujdesia e ngasësit.Çitaku thotë se problem mbetet bashkëpunimi me komuna. Ai shprehet se kjo ndërmarrje ka probleme të shumta financiare.
Gjatë këtij viti tre persona kanë vdekur në aksidente me tren, e në 2017-tën gjithsej 20 vetura janë goditur me tren, tri prej tyre me fatalitet.
E në vitin 2016, 16 vetura u përfshinë në aksident me tren, me një viktime
(Kosova Sot)