Dhjetë shkolla ende të mbyllura
Një numër i konsiderueshëm i nxënësve nuk i kanë marrë librat
“Sipas raportimeve nga terreni, nga drejtoritë e arsimit, kemi mësuar se mësimi ka filluar në të gjitha shkollat, përveç në dhjetë shkolla, ku tetë prej tyre janë duke u rinovuar”, ka thënë këshilltari Guri
Ndonëse ka kaluar dita e tretë e fillim të mësimit, në disa shkolla të Kosovës nxënësit ende nuk e kanë pasur mundësinë të pajisen me tekste shkollore. Derisa kjo po ndodh, zyrtarë nga Ministria e Arsimit theksojnë se kjo e fundit i ka kryer të gjitha obligimet dhe se para një shtatorit janë dërguar librat në shkolla.
Librat nuk kanë arritur në të gjitha shkollat
Azem Guri, këshilltar në Ministrinë e Arsimit, ka pohuar se shpërndarja e teksteve shkollore është bërë sipas planit të paraparë dhe se para datës një shtator ka përfunduar gjithçka. “Kjo do të thotë se tekstet shkollore kanë arritur para datës një shtator dhe që nga ajo datë shkollat kanë filluar t’i pajisin nxënësit me këto tekste”, ka thënë Guri, duke shtuar se shpërndarja është bërë nëpër shkolla. Ndërsa ka pohuar se nuk është i njoftuar pse librat nuk kanë arritur në të gjitha shkollat. Guri ka theksuar se kjo ka pasur mundësi të ndodhë për shkak të shkollave paralele. “Për shembull, janë ndarë për shkollën amë dhe ato nuk kanë arritur edhe për shkollën paralele”, thotë Guri. Por, sido që të jetë, Guri edhe një herë ka përsëritur se një informatë të këtillë nuk e kanë pasur nga asnjë shkollë. “Nuk është ankuar asnjë shkollë, por mendoj se në shkollën amë kanë shkuar tekstet dhe se pritet që në kontinuitet të bëhet edhe shpërndarja e tyre”, ka theksuar ai. Ndryshe, sipas tij, përveç në dhjetë shkolla ku nuk ka filluar mësimi për shkak të renovimit, në të gjitha shkollat e tjera në mbarë territorin e vendit, është duke u zhvilluar mësimi normal.“Sipas raportimeve nga terreni, nga drejtoritë e arsimit, kemi mësuar se mësimi ka filluar në të gjitha shkollat, përveç në dhjetë shkolla,ku tetë prej tyre janë duke u rinovuar”, ka thënë këshilltari Guri... (Më gjerësisht mund t'a lexoni në numrin e sotëm të gazetës KOSOVA SOT)