Meta: SPAK ka nisur hetime pas një takimi që Dumani ka pasur me McGonigalin e Edi Ramës

Ilir Meta, kreu i Partisë së Lirisë, ka deklaruar se SPAK ka nisur hetime pas një takimi që Altin Dumani ka pasur me McGonigalin e Edi Ramës, transmeton gazeta "Kosova Sot Online".

“Kur ka nisur hetimi? Në 2019-ën, kur unë luftojë për Gjykatën Kushtetuese. Amerikanët e Edi Ramës unë i kap nga veshi dhe i kap”, tha Meta në ‘Opinion’.

Meta tha se hetimet u bënë në dhjetor 2019 sepse donin të më mbanin nën presion në betejën time për Gjykatën Kushtetuese.

“SPAK-un e kam edhe unë nën hetim. Kam votuar reformën në drejtësi, kam votuar që Prokurori i Përgjithshëm të mos zgjidhej me 69 vota”, tha Meta.

Kreu i PL-së tha se SPAK është në shërbim criminal të Edi Ramës. “SPAK bën sikur arreston drejtorët për të shpëtuar Kryebashkiakun e Tiranës. SPAK nuk ka kurajo të tregojë se ku janë 60 mln dollarët që ka thënë Arben Ahmetaj”, tha Meta.

Sipas tij, SPAK mendon se me këto presion mendon se do të frenojë Ilir Metën.

“Kujton se do të marrin peng Partinë e Lirisë, sepse kjo i duhet Edi Ramës, siç morri peng vulën dhe logon e PD-së me logo gjykatash. Edhe unë e hetoj Dumanin për veprimtari politike. Sepse është ky person që nuk ka kurajo ti vërë hekurat Edi Ramës për inceneratorët apo Erjon Veliajn”, tha Meta.

(Kosova Sot Online)