Rusët spiunojnë industrinë zvicerane të armatimit
Gjatë janarit të këtij viti hakerët kanë bërë përpjekje për të spiunuar Ministrinë e Mbrojtjes të Zvicrës dhe prodhuesin e madh zviceran të armatimit Ruag.
Ministri i mbrojtjes Guy Parmelin ka thënë lidhur me këtë rast se ndërhyrjet janë bërë për llogari të spiunazhit industrial.
Duke folur për gazetën “Tages-Anzeiger” Parmelin ka vërtetuar konstatimet në të cilat kishin ardhur hulumtimet e bëra nga kjo gazetë. Ai po ashtu ka theksuar se dyshimet për autorësinë e këtyre akteve shkojnë nga Rusia..
Ndërkaq as ministria dhe as Ruag nuk kanë dashur të shprehen për vëllimin e dëmeve që janë shkaktuar si pasojë e spiunazhit, përcjell albinfo.ch.
Parmelin ka deklaruar se Prokuroria Federale ka iniciuar procedurë penale lidhur me dyshimin për spiunazh ekonomik.
(Koosva Sot)