De Biasi fton yllin kosovar për dy ndeshjet e tetorit
Trajneri i Kombëtares shqiptare, Gianni de Biasi ka ftuar mesfushorin kosovar, Eros Grezda i cili aktivizohet me skuadrën kroate, Lokomotiva Zagreb.
Lajmi është konfirmuar nga klubi kroat, ndërsa Grezda do të jetë për herë të parë pjesë e Kombëtares shqiptare të drejtuar nga De Biasi pasi më parë është aktivizuar me Shqipërinë U21.
“Me krenari njoftojmë se Eros Grezda, deri tani pjesë e Shqipërisë U-21, është thirrur për herë të parë nga ekipi A i Shqipërisë për ndeshjet kundër Lihtenshteinit dhe Spanjës”, thuhet në postimin e Lokomotivës.
(Kosova Sot)