Tre kandidatët për rolin e trajnerit të Italisë - Sport - Kosova Sot
Tre kandidatët për rolin e trajnerit të Italisë

Tre kandidatët për rolin e trajnerit të Italisë

Mediat italiane raportojnë se Federata e Futbollit e Italisë (FIGC) është duke i konsideruar tre emra të mëdhenj për postin e trajnerit të Kombëtares së Italisë.

Pozita e trajnerit në ekipin kombëtar italian ka mbetur e zbrazet që prej shkarkimit të Giampiero Venturas, dhe gjetja e zëvendësuesit është komplikuar nga fakti se FIGC është momentalisht pa president.

Megjithatë, dje është aprovuar buxheti i FIGC-s dhe gazeta italiane “La Stampa” raporton se janë ndarë 5 milionë euro për ta paguar trajnerin e ri.

Përveç tre kandidatëve për president të FIGC-s, Damiano Tommasit, Gabriele Gravina dhe Cosimo Sibilia, janë edhe tre emra kandidatë për trajner.

I pari është ai i Carlo Ancelottit, i cili është i papunë, që pasohet nga trajneri aktual i Chelseat, Antonioe Conte. Listën e përmbyllë trajneri i Zenit St Petersburg, Roberto Mancini.

(Kosova Sot)

3 orë e 33 minuta më parë
27/05/18