“Nëse s’e shijon futbollin e Manchester Cityt, atëherë s’të pëlqen futbolli” - Sport - Kosova Sot
“Nėse s’e shijon futbollin e Manchester Cityt, atėherė s’tė pėlqen futbolli”

“Nėse s’e shijon futbollin e Manchester Cityt, atėherė s’tė pėlqen futbolli”

Wayne Rooney e ka lartësuar stilin dhe futbollin e Manchester Cityt të Pep Guardiolas.

“Nuk është mirë ta them, ama nëse nuk mund ta shijosh atë stil të lojës [së Man Cityt], atëherë nuk të pëlqen futbolli. Është fantastike ta shikosh; lëvizjet, vetëbesimi me topin në këmbë, pastaj portieri [Edersoni]. Nganjëherë është pothuajse futboll i përkryer”, ka thënë sulmuesi anglez i Evertonit, Wayne Rooney, transmeton Express.

Ish-ylli i Manchester Unitedit e ka pranuar se skuadra e Jose Mourinhos nuk do të mundë ta zërë Cityn këtë sezon, e do ta këtë të vështirë ta bëjë atë edhe sezonin e ardhshëm.

“Të jem i sinqertë, jo këtë sezon, edhe sezonin e ardhshëm do të jetë shumë e vështirë [për ta zënë Cityn]”, ka shtuar Rooney. 

(Kosova Sot)

3 orë e 31 minuta më parë
21/02/18