Henry: Nëse Neymar dëshiron t’i ikë hijes së Messit, duhet ta ndërrojë sportin
Nëse transferimi i Neymarit në Paris Saint-Germain ka qenë për t’i ikur hijes së Lionel Messit, atëherë ka qenë e kotë, sipas legjendës së Arsenalit, Thierry Henry.
Derisa braziliani është duke shndritur në Ligë 1, ish-sulmuesi i Arsenalit dhe Barcelonës ka insistuar se ikja drejt Francës nuk do të mjaftojë për t’i parandaluar krahasimet mes tyre.
“Nuk e di nëse Neymar e braktisi Barcelonën për t’i ikur hijes së Messit”, ka thënë Henry.
“Por, e vërteta është se të gjithë lojtarët janë në hijen e Messit, dhe nëse Neymar nuk dëshiron të jetë në të, atëherë duhet ta ndërrojë sportin”, shtoi francezi.
Me Barcelonën dhe PSG-në liderë në ligat e tyre përkatëse momentalisht, është Messi ai që prin, pasi i ka shënuar 20 gola në La Liga, derisa Neymar 19 në Ligë 1.
(Kosova Sot)