Modric dhe Rakitic ftohen në Kombëtaren kroate, megjithëse u spekulua se do të pensionohen
Luka Modric dhe Ivan Rakitic janë thirrur në ekipin kombëtar të Kroacisë për ndeshjet e muajit shtator kundër Portugalisë dhe Spanjës, duke u dhënë kështu fund spekulimeve se ata mund ta pensionohen nga Kombëtarja.
Së fundmi është raportuar se mesfushorët me përvojë mund t’i japin fund karrierës me Kroacinë, menjëherë pasi e arritën finalen e Kupës së Botës këtë verë në Rusi.
Megjithatë, kapiteni Modric, fitues i Topit të Artë në Rusi, dhe ylli i Barcelonës Rakitic, janë thirrur nga trajneri Zlatko Dalic, për ndeshjet e muajit të ardhshëm.
Kroacia do të takohet me Portugalinë në një ndeshje miqësore më 6 shtator dhe më Spanjën në Ligën e Kombeve vetëm pesë ditë më vonë.
(Kosova Sot)