Talenti i ri brazilian Vinicius ftohet nga Real Madridi për ndeshjen ndaj Espanyolit
Si pritje, talenti i ri brazilian Vinicius Junior, është thirrur në skuadrën e Real Madridit për ndeshjen e javës së pestë ndaj Espanyolit.
Reali edhe zyrtarisht e bëri publike listën prej 20 futbollistëve të ftuar për ndeshjen e sotme ndaj Espanyolit, që nis në orën 20:45 dhe zhvillohet në “Santiago Bernabeu”.
Edhe pse trajneri Julen Lopetegui duhet ta heqë një emër nga lista para ndeshjes për ta ulur në 19 numrin e përgjithshëm të futbollistëve, ka shumë pak mundësi që sulmuesi brazilian të lihet jashtë. Ai pritet të jetë në stol.
Ndërkohë, Dani Carvajal i lënduar nuk do të paraqitet fare në këtë takim. Po ashtu, trajneri spanjoll e ka pushuar edhe Toni Kroosin.
Kjo është lista e plotë:
Portierë: Keylor Navas, Kiko Casilla, Courtois.
Mbrojtës: Sergio Ramos, Varane, Nacho, Marcelo, Odriozola.
Mesfushorë: Modric, Casemiro, Valverde, Marcos Llorente, Asensio, Isco, Ceballos.
Sulmues: Mariano, Benzema, Bale, Lucas Vázquez, Vinicius.
(Kosova Sot)