Thellohet kriza e Manchester, eliminohet nga kupa nga ekipi i Championshipit anglez

Manchester e ka thelluar krizën pasi që sonte është eliminuar nga Carabao Cup në raundin e tretë

United, pritej që të kalonte këtë fazë pasi që ishte shortuar me skuadrën e Championship, Derby County, por gjërat u komplikuan shumë për United në fund të kësaj ndeshje.

Pjesa e parë nisi shumë mirë për Djajtë e kuq ku që në minutën e tretë shënoi Juan Mata.

Por, ngadalë Derby kthehet në lojë dhe arrinë që gjërat ti kthej në dobi të tyre.

Gjatë pjesës së parë ata nuk marrin gol dhe e nisin shumë mirë pjesën e dytë.

Rezultati barazohet në minutën e 59’të, ku shënon Harry Ëilson, ndërkaq 7 minuta më vonë nga ndeshja do të përjashtohej portieri i dytë i Manchester, Sergio Romero më të kuq.

Kur ndeshja po shkonte drejt përfundimit, Derby shënon edhe golin e përmbysjes, me anë të Marriott në minutën e 85, gol ky që e eliminon Manchester United nga kjo garë.

Fellaini barazoi rezultatin në minutën e 5’të shtesë duke dërguar ndeshjen në penallti.

Por, djemtë e Frank Lampard arritën që të fitojnë penalltitë pasi që Jones i Manchester United e humbi penalltinë e fundit.

Kujtojmë se u desh të ekzekutohen 8 penallti, ku Derby County shënuan tetë kurse nga tetë penallti United humbi një.

Kujtojmë që para dy viteve Jose Mourinho e kishte fituar këtë trofe me United. 

 

 

(Kosova Sot)