Pogba i ka refuzuar 85 milionët e Chelsea-t
Paul Pogba i ka refuzuar 85 milionë euro të Chelsea-t, edhe pse Juventus-i ka rënë dakord për një marrëveshje që do ta dërgonte francezin te kampionët e Premiere Ligës.
Një gjë të tillë e ka raportuar të premten "Gazetta dello Sport", transmeton gazeta Kosova Sot Online.
Sipas të përditshmes sportive italiane, Pogba është takuar me agjentin e tij Mino Raiola, por pas diskutimeve ka vendosur që të ndihmoj procesin e rindërtimit të Juventus-it.
"Zonja e Vjetër" tashmë i ka humbur yjet si Andrea Pirlo, Arturo Vidal dhe Carlos Tevez, andaj humbja edhe e Pogba-s do të ishte një goditje e madhe për gjigantin italian.
Krahas Chelsea-t, për futbollistin e kombëtares së Francës në fillim të verës ka shprehur interesim edhe Barcelona. (Kosova Sot)