Kroacia fiton me dramë kundër Spanjës, shpresë për ta fituar grupin

  • 15 November 2018 - 23:09
Kroacia fiton me dramë kundër Spanjës, shpresë për ta fituar grupin

Kroacia e ka mundur me rezultat 3-2 Spanjën duke arritur kështu një fitore të madhe. Me këtë fitore Kroacia arrin në kuotën e 4 pikëve dhe nëse e mposht Anglinë në Wembley do të arri gjysmëfinalen e Ligës së Kombeve

Kroacia ka arritur një fitore të madhe kundër Spanjës sonte.

Kroatët e kanë mposhtur atë me rezultat 3-2 krejt në fund të ndeshjes duke rritur mundësitë për të kaluar grupin si e para dhe arritur gjysmëfinalen e Ligës A të Kombeve.

Pjesa e parë përfundoi pa gola, pasi që dy skuadrat nuk e gjenin rrugën drejt golit.

Të parët që sulmuan ishin kroatët, madje ata e goditën shtyllën me anë të Ante Rebic në fillim të ndeshjes.

Megjithatë, Spanja e dominoi me posedim pjesën e parë dhe e përfundoi atë me përqindje prej 60.

Me rezultat 0-0 përfundoi pjesa e parë, por tërësisht ndryshe ishte në pjesën e dytë.

Kroacia ndezi situatën pasi që në minutën e 54 Kramaric merr një top të mirë nga Rakitic, të cilin ai e shndërron në gol.

Reagimi i Spanjollëve ishte i menjëhershëm pasi që ata barazojnë rezultatin pas dy minutave.

Ceballos merr një top të mirë nga Isco të cilin e finalizon duke barazuar rezultatin.

Kroacia nuk u dorëzua dhe e kërkonte golin e dytë dhe ai erdhi në minutën e 68 nga Jedvaj.

Kësaj here kreatorë i golit të kroatëve ishte Modric, i cili asistoi për Jedvajn.

Krocia ka mundur që të shënoi golin e tretë sikurse Rebic mos të humbte një mundësi ballë për ballë me portierin në minutën e 72’të.

Spanja rriti presionin dhe arriti që të barazoi rezultatin në minutën e 78’të pasi që Vrsajlko luajti me dorë brenda zonës së 16 metërshit.

Penalltinë në gol e shndërroi kapiteni i Spanjës, Sergio Ramos.

Por, derisa u mundua që kjo ndeshje do të përfundonte barazim, kështu nuk menduan kroatët.

Në minutën e dytë shtesë në skenë doli prapë Jedvaj që shënoi golin e fitores.

Me këtë fitore Kroacia dhe Anglia i kanë shanset për të kaluar grupin si e para. Cilado që e fiton këtë grup do të bënte 7 pikë, një më shumë së Spanja, për të cilën sonte përfundoi aventura në këtë garë të re të UEFA’së. 

 

(Kosova Sot)