Demi Lovato humb një person të shtrenjtë. Ja dedikimi i artistes(Foto)
Mëngjesi i sotëm ka zbardhur me një lajm të trishtë për Demi Lovato-n.
Artistja 23-vjeçare ka humbur Mimaw-n, stërgjyshen e saj, mëngjesin e sotëm, si pasojë e një sëmundjeje të rëndë.
Këtë e ka bërë të ditur vetë këngëtarja me disa postime në Facebook dhe Instagram, ku i ka kushtuar gjyshes së saj një dedikim prekës.
“Mimaw, shpresoj të jesh me Papa-n tani (Papa është gjyshi i Demi-t, i ndarë nga jeta pak kohë më parë). E urrej faktin që nuk do të ta dëgjoj zërin, por më vjen mirë që nuk vuan më.
Të dua shumë dhe më mungon aq sa nuk e imagjinon dot! Më mungon buzëqeshja jote, prezenca jote, puthjet dhe përqafimet e tua. Me të vërtetë të dua shumë!
U prehsh në paqe dhe më e rëndësishmja, u prehsh pranë Zotit!” – shkruan, ndër të tjera, Lovato.
Ajo gjithashtu ka ndarë me të gjithë ndjekësit e saj një kolazh fotosh me Mimaw-n, si dhe një falënderim për të gjithë admiruesit e miqtë që i janë gjetur pranë në këtë fatkeqësi.
Qëndro e fortë Demi!
(Kosova Sot)
