Vitet janë vetëm numër! (Foto)
Elle Macpherson, ndonëse është në moshën 52-vjeçare, po duket dhe ndihet sikur të ishte në të njëzetat
Karriera e gjatë në industrinë e modës ia ka mundësuar ta kuptojë se çka i shkon trupit të saj joshës. Dhe, të shtunën, Elle Macpherson e ka dëshmuar që e ka mësuar shumë mirë këtë mësim kur është paraqitur me një fustan me ngjyrë të zezë në Gala mbrëmjen e organizuar në Majami, transmeton gazeta Kosova Sot Online.
Bukuroshja 52-vjeçare kishte përzgjedhur një fustan me ngjyrë të zezë, të lidhur tërthorazi në pjesën e qafës. E, meqë e gjithë vëmendja ishte përqendruar tek fustani i saj, nëna e dy fëmijëve kishte vendosur që të mos aplikonte shumë grim e të mos vendoste shumë aksesorë.
Për ta kompletuar dukjen, ajo kishte vendosur një byzylyk të hollë dhe disa unaza, si dhe një palë vathë të vegjël dhe të bukur.
(Kosova Sot)