I shkoi ymri në aeroport (Foto)

Ajo është një nga modelet më të kërkuara në botë, e me këtë vjen edhe stili i saj unik, madje edhe kur udhëton me aeroplan. Dhe, vetëm disa ditë pasi që ka arritur në Madrid, Alessandra Ambrosio ka vazhduar me shtimin e kilometrave në ajër dhe ia ka mësyrë Berlinit. Por, u duk se modelja e “Victoria's Secret” kishte filluar ta ndjente lodhjen duke u endur poshtë e lartë me valixhe, e kjo vërehej paksa në shprehjen e saj të fytyrës, transmeton gazeta Kosova Sot Online.

Por, “këmba e nxehtë” nuk lejoji që lodhja të ndikojë në sjelljet e mira që ka, pasi që u duk shumë e buzëqeshur derisa po kalonte përmes aeroportit të Berlinit, në orët e hershme të së mërkurës. Duke ulur paksa syzet e diellit nga sytë, ylli rrezatoi me një buzëqeshje gjigante për fotografët e shumtë që po e përcillnin atë.

Bukuroshja braziliane u duk me stil, shik dhe shumë rehat. Modelja, e cila ka zbukuruar së fundmi ballinën e “Maxim” si pjesë e koleksionit të bikineve, kishte theksuar këmbët e saj të gjata, me një palë xhinse të ngushta, derisa motin e ftohtë evropian po e sfidonte me një pallto leshi. Fytyra e saj ishte pa fije grimi, duke lejuar që fytyra e saj të rrezatojë nga bukuria natyrale.   

(Kosova Sot)