Fëmija e ka hijeshuar (Foto)
Cat Deeley tregon linjat e saj pas lindjes
Së fundmi, ajo ka zbuluar për të gjithë se ushqimi me gji i fëmijës së saj, kishte luajtur një rol të madh në kthimin e linjave të saj trupore në gjendjen që ishin dikur. Dhe, nëna e re Cat Deeley në fakt po dukej edhe më mirë, si një stuhi në vete, kur u paraqit në tepihun e kuq gjatë “2016 American Country Countdown Awards”, transmeton gazeta Kosova Sot Online.
Prezantuesja britanike u duk sensacionale, e veshur me një palë pantallona komplet, me ngjyrë të kuqe, të cilët i kishte kombinuar fare mirë me një palë taka të arta, ndërsa që në dorë kishte një çantë dore të vogël. Bukuroshja bionde flokët i kishte të valëzuar derisa dukjes së saj modeste të grimit ia kishte shtuar pak ngjyrë, përfshirë buzëkuqin klasik.
Cat, 39 vjeçe, ishte aty për ta prezantuar një çmim përkrah Paula Abdul-it te “Music Award Show”, që u mbajt në Kaliforni. Nikoqirja e “So You Think You Can Dance”, mirëpriti fëmijën e parë me bashkëshortin Patrick Kielty në muajin janar.
(Kosova Sot)