Agani, kundërshtarëve në parti: Dikur më falënderonit në ministri

Ferid Agani, kryetar i Partisë së Drejtësisë ka folur  për zhvillimet e fundit në partinë që ai drejton.
Ai ka thënë se deklarata kundër tij bën kryesisht sekretari i pezulluar, i cili sipas tij, vazhdon me dërgua komunikata për media në emër të degëve dhe anëtarëve të PD-së, i cili edhe e ka uzurpua këtë post.

“Në mbledhjen e 17 shtatorit është vërtetua pezullimi i tij, i cili ka ndodhë para një muaji”, ka sqaruar Agani.

Ai ka thënë se janë edhe disa kryetarë të degëve, të cilët po privatizojnë aktivitetet partiake, por sipas, Aganit këta janë vetëm disa kryetarë të degëve dhe jo kryesi të degëve.

Agani ka deklaruar se kriza shoqërore ka bë që te disa, interesi personal dominon mbi atë të përgjithshëm, dhe fatkeqsisht kjo i ka përfshi edhe disa anëtarë të PD-së, që kanë dëshmua se i kanë këto dobësi.

“Ne kemi me ju dhënë mundësi për reflektim këtyre individëve”, ka thënë Agani.

“Asnjëherë s’kam pas fjalor urrejtës ose përjashtues ndaj individëve të tillë, as në të kaluarën as tash, edhe pse sulmet ndaj meje janë tepër të ulëta, por unë s’jam për me i mbyllë derën askujt”, deklaron ai.

“Këta që janë kundër meje, në të kaluarën kanë qenë shumë falënderues ndaj meje sa ishin në ministri”, thotë Agani, duke shtuar se ata ishin bashkëpunëtorë dhe këshilltarë të tij.

Për deputeten e PD-së në Kuvendin e Kosovës, Agani ka thënë se ajo po jep kontributin e saj në tejkalimin e kësaj situate.

Sa i përket aktakuzës, Agani ka thënë se si kryetar i Partisë së Drejtësisë beson thellë në drejtësi, por ai thotë se ndihet i zhgënjyer, sepse ende nuk është mbajtë asnjë seancë që 3 muaj.

“Kam mujt me qëndrua në pozitën e ministrit në këta tre muaj, sepse kam pasë shumë projekte”, thotë ai.

Ai ka shtuar se nuk mundet të mendojë me çfarë arsye është bë kjo aktakuzë, “është vështirë të shpjegohet”.

Agani ka fol edhe për ndërrimin e postit të ministrit nga ai i Shëndetësisë në atë të Planifikimit Hapësinor.

“Bash kur kisha projekte konkrete me përfundua në Shëndetësi, u desh me lëshua këtë post për shkak të zhvillimeve politike”, sqaron Agani në televizionin Rrrokum

Sa i përket mesazheve të publikuara në aferën e disa mjekëve, ai thotë se uron mos me qenë të vërteta.

(Kosova Sot)