Gruaja nga Gllogoci e bën për spital duke e rrahur një familjare të saj
Policia e Kosovës ka njoftuar përmes raportit 24 orësh se kanë arrestuar në Gllogoc një të dyshuar, pasi që e njëjta kishte sulmuar fizikisht një vajzë, shtetase e Shqipërisë.
Viktima është dërguar për tretman mjekësor në spitalin e Prishtinës, derisa e dyshuara pas intervistimit me vendim të prokurorit është dërguar në mbajtje.
“Është arrestuar e dyshuara femër K/Shqiptare e cila pas një mosmarrëveshje e kishte sulmuar fizikisht viktimën femër shqiptare/shtetase e Shqipërisë. Viktima është dërguar për tretman mjekësor në spitalin e Prishtinës. E dyshuara pas intervistimit me vendim të prokurorit është dërguar në mbajtje”, thuhet në njoftim të policisë.
(Kosova Sot Online)