Nuk besonte në ekzistencën e Covid-19, burri alarmohet kur virusi i merr jetën gruas së tij: Nuk mund ta ndryshoj të kaluarën

  • E.K /
  • 25 gusht 2020 - 10:21
Nuk besonte në ekzistencën e Covid-19, burri alarmohet kur virusi i merr jetën gruas së tij: Nuk mund ta ndryshoj të kaluarën

Një burrë nga Florida i cili mendoi se coronavirusi ishte një mashtrim, e humbi së fundi gruan e tij nga sëmundja e COVID-19.

Sipas medieve të huaja, Brian Lee Hitchens, dhe gruaja e tij Erin kishin lexuar pretendime të ndryshme në internet mbi pandeminë, dhe mendonin se virusi ishte i fabrikuar ose edhe i ngjashëm me gripin e zakonshëm.

Të dy nuk i ndoqën udhëzimet shëndetësore, madje as nuk kërkuan ndihmë kur u sëmurën në fillim të muajit maj.

Brian u shërua por gruaja e tij 46 vjeçare u sëmur rëndë dhe vdiq këtë muaj nga problemet e zemrës, të cilat iu komplikuan nga virusi.

Erin e cila kishte edhe probleme ekzistuese shëndetësore, vuajti nga astma dhe nga çrregullimi i gjumit.

Brian i tha BBC News se do të dëshironte që të kthehej pas dhe të dëgjonte këshillat që në fillim, dhe shpreson që gruaja e tij do e falte atë.

“Ky është një virus i vërtet, që i prek njerëzit ndryshe. Megjithëse nuk mund ta ndryshojë të kaluarën do mendoj që të bëjë zgjidhje më të mira në të ardhmen”, shpjegoi Brian.

(Kosova Sot Online)