Lexoni edhe:
Shënohen edhe 141 raste të reja me koronavirus në Kosovë
Trupa amerikane nga Garda Kombëtare e Michiganit nisen drejt Kosovës
Guvernatorja e Michinganit, Gretchen Whitmer, e cila është edhe komandante e përgjithshme e Gardës Kombëtare të Michiganit i është adresuar Batalionit të 3-të dhe regjimentit të 238 të aviacionit përpara se ata të nisen për Kosovë.
Në këtë adresim ajo ka qenë bashkë me major-gjeneralin, Paul Rogers, të cilët kanë falënderuar secilin prej ushtarëve për guximin e tyre dhe për shërbimin në Michigan dhe në Shtetet e Bashkuara të Amerikës.
“Jam e nderuar që të kthehem këtu me ushtarët dhe anëtarët e familjeve të Batalionit të 3-të dhe regjimentit 238 të aviacionit tashmë kur ata do të shkojnë në Kosovë për operacione paqeruajtëse. I përulem përkushtimit të tyre për sigurinë e kombit dhe vlerësoj sakrificën me të cilën do të përballen në muajt në vijim ata dhe familjet e tyre”, ka thënë guvernatorja Whitmer.
“Garda nacionale e Michiganit ka vazhduar që të jetë një pjesë e rëndësishme e luftës kundër COVID-19. Derisa anëtarët tjerë vazhdojnë që të asistojnë komunitetin me ushqim, ushtarët tonë meshkuj e femra përgatiten që të zbarkojnë në Kosovë për të ofruar një ambient të sigurt për rajonin”, ka përfunduar ajo.
(Kosova Sot Online)
