Lexoni edhe:
Pasurimi i pamoralshëm ka filluar me fondet e luftës, fondet e 3% dhe vendlindja thërret
Një burrë australian ka vdekur në mënyrë tragjike në spital pas djegieve që pësoi duke u përpjekur t’i shpëtonte qentë që ndodheshin brenda shtëpisë së tij, që ishte kapluar nga flakët.
Wayne Rare, 54 vjeç, bashkëshortja dhe dy fëmijët e tij ishin në gjumë në shtëpinë e tyre në pjesën jugore të Sydneyt, kur një zjarr shpërtheu, shkruan Daily Mail.
Shërbimet e emergjencës pranuan thirrje për të reaguar pasi u raportua se një shtëpi është përfshirë nga zjarri të shtunën në mëngjes, ndonëse katër anëtarët e familjes kishin arritur të dilnin dhe të shpëtonin nga flakët.
Megjithatë, kryefamiljari i guximshëm u fut përsëri në shtëpi me shpresën se do të arrinte t’i shpëtonte dy qentë shtëpiakë. Megjithatë, ai arriti ta shpëtonte vetëm njërin prej kafshëve, që është një qen i racës Husky.
Rare pësoi lëndime serioze nga zjarri dhe u dërgua në spital, ku më vonë vdiq.
Dy fëmijët e tij janë liruar nga spitali pasi u trajtuan për thithje të tymit. Policia është duke i vazhduar hetimet për shkaktarin e zjarrit.
(Kosova Sot Online)