Lexoni edhe:
Tensione në delegacionin e Kosovës, nëse Haradinaj nuk e pranon marrëveshjen, Amerika i del kundër atij
Detaje të tmerrshme nga rasti që tronditi Gjermaninë: Nëna mbyti së pari 5 fëmijët, pastaj iu hodh trenit përpara
Pasi dje policia gjermane gjeti trupat e pajetë të pesë fëmijëve në një ndërtesë private në Solingen për vrasjen e së cilës dyshohet nëna 27-vjeçare, tashmë janë zbardhur disa prej detajeve të krimit të tmerrshëm që tronditi Gjermaninë.
RTL-i njofton se policia deklaroi në raport se nëna e Christiane K. helmoi fëmijët me pilula para se ajo të përpiqej të merrte jetën e saj duke u hedhur para trenit.
Ajo u hodh në binarët në Dyseldorf, pak më shumë se 30 kilometra nga banesa ku helmoi fëmijët e saj dhe aktualisht është në gjendje kritike në spital.
Fëmijët e vdekur janë tre vajza të moshës një e vjet gjysmë, dy dhe tre vjeçare, dhe dy djem, Luca tetëvjeçar dhe Timo gjashtë.
Djali i madh, Marceli (11) është gjallë dhe i sigurt gjersa për të po kujdesen të afërmit. Mediat lokale raportojnë se ai shkoi në stacionin e trenit me nënën e tij, ku ajo u hodh poshtë trenit.
Policia tha se gjyshja i thirri ata në orën 14:00, të cilët u drejtuan për në një apartament në Solingen.
Vetë punonjësit e urgjencës ishin të traumatizuar dhe të tronditur nga pamja në apartament. Ata u përpoqën të ringjallnin fëmijët, por ishte tepër vonë.
(Kosova Sot Online)
