Lexoni edhe:
Vjen reagimi i Bidenit pas marrëveshjes Kosovë-Serbi në Shtëpinë e Bardhë
Grenelli në Uashington takon edhe lobin shqiptar në Amerikë
Emisari i Posaçëm i presidentit të Shteteve të Bashkuara të Amerikës, Donald Trump, për dialogun Kosovë–Serbi, Richard Grenell, është takuar sot edhe me lobin shqiptar në Amerikë.
Në një fotografi e bërë virale tashmë, Grenell është takuar me Martin Vulajn dhe Uk Lushin.
Kosova dhe Serbia në Shtëpinë e Bardhë nënshkruan marrrëveshje ekonomike. Një ndër pikat që përmbante dokumenti ishte edhe njohja e Kosovës nga Israeli.
Marrëveshja e nënshkruar nga Hoti dhe Vuçiq përbëhet nga 16 pika.
Gjithashtu marrëveshja, e nënshkruar nga kryeministri i Kosovës, Avdullah Hoti, dhe presidenti i Serbisë, Aleksandar Vuçiq, parasheh, ndër të tjera, edhe anëtarësimin e dy shteteve në “zonën e mini-Shengenit”.
“Të dyja palët do t’i bashkohen ‘zonës së mini-Shengenit’, të shpallur nga Serbia, Shqipëria dhe Maqedonia e Veriut, në nëntorin e vitit 2019, dhe do t’i shfrytëzojnë plotësisht përfitimet prej saj”, thuhet në marrëveshjen e nënshkruar në Uashington, në praninë e presidentit amerikan, Donald Trump.
Pikë tjetër e marrëveshjes është edhe pajtimi për ndalimin e pajisjeve dhe internetit 5G.
Gjithashtu, Kosova dhe Serbia u pajtuan edhe për përdorimin e përbashkët të Ujmanit.
Ndërsa kryeministri Avdullah Hoti ka thënë se është bërë një hap i madh tjetër drejt normalizimit të raporteve në mes Kosovës dhe Serbisë.
Ndërsa Netanyahu thotë se pas njohjes së Izraelit, Kosova do të jetë shteti i parë mysliman në botë që do të hapë ambasadë në Jerusalem.
(Kosova Sot Online)
