Lexoni edhe:
VV i kërkon Hotit të raportojë në Kuvend për marrëveshjen e Uashingtonit
Burgoset mësuesja për joshjen e të riut sa gjysma e moshës së saj
Mësuesja 28 vjeçare Katie Smith i dërgonte nxënësit foto të pahijshme teksa e joshte në komunikimet me mesazhe, por justifikohej në gjykatë se kërkonte vetëm mbështetje prej problemeve në martesën e saj duke thënë se “doja të më thonin që jam e bukur”.
Mësuesja e fizkulturës kishte puthur dhe prekur në mënyrë të pahijshme 14-vjeçarin në një dhomë magazinimi të shkollës prandaj u dënua me gati katër vjet burgim nga gjykata australiane.
Katie Smith i kishte dërguar atij foto dhe mesazhe kompromentuese teksa e joshte në rrjetet e mesazheve.
Në gjykatë u tha se ajo e kishte sulmuar në shkollë dhe një parkim makinash.
Smith, nga New South Wales në Australi, shpërtheu në lot teksa u dënua me 3 vjet e 10 muaj burgim, ndërsa duhet të kalojë të paktën dy vjet për t’u marrë në konsideratë për liri me kusht.
Smith ishte miqësuar me djalin në sezonin shkollor të 2018, dhe ishin puthur e prekur në të paktën dy raste.
Smith i kishte dërguar atij një foto të gjoksit të zhveshur si dhe një video ku ajo prekte organet private. Edhe djali i kishte dërguar mësueses imazhe të zhveshura të vetes.
Smith zbuloi më vonë se disa prej fotove i ishin dërguar dhe nxënësve të tjerë të shkollës dhe kjo i kishte dhënë fund shkëmbimeve.
14-vjeçari i kishte treguar më pas nënës së tij për takimet dhe ajo kontaktoi policinë.
Smith pranoi akuzat e joshjes së një fëmije dhe prekje seksuale të fëmije, por tha se nuk dëshironte të bënte seks me të, e se vetëm kërkonte mbështetje prej problemeve në martesën e saj.
Ajo shtoi se kishte pasiguri dhe probleme me ushqyerjen. Smith tha në gjykatë se kishte probleme karakteri dhe po ndiqte terapi mjekësore.
Gjykatësja Kara Shead tha se veprimet e Smith ishin shkelje e rëndë e besimit prandaj dëshironte të dërgonte një “mesazh të ashpër” kundër krimeve ndaj minorenëve.
(Kosova Sot Online)
